recent
أخبار ساخنة

طريقه حل حقن المضاد الحيوي - وحساب جرعه حقن المضاد الحيوي بعد حلها

 حل حقن المضاد الحيوي


موضوع حل حقن المضاد الحيوي سهل جدا وركز معايا في المثال ده وهتفهم كل حاجه..

- عندنا Rametax 1gm vial وهنحلها ب 5ml من المايه، والمريض هياخد مثلا 750mg يبقى كده هياخد كام ملي من الحقنة ؟!


طريقه حل حقن المضاد الحيوي - وحساب جرعه حقن المضاد الحيوي بعد حلها Rametax 1gm vial


- لو حلينا الحقنة ب 5ml مايه فده معناه ان المحلول اللي اتكون كله عبارة عن 1gm من الدوا، يعني كده المحلول ده معبر عن الحقنة ذات نفسها كلها.

- وعشان تتخيل الموضوع اكتر فخليني اقولك ان ال 1gm متوزعين ع ال 5mlبتوع المحلول اللي اتكون.

وده معناه ان كل 1mlمن المحلول هيكون فيه 200mg من الحقنة اللي عندك

- اذن دلوقتي 

  • لو انت عاوز تدي للطفل 200mgيبقى هتسحب بالسرنجة 1ml اللي هو معبر عنه في السرنجة بالسم. 
  • ولو عاوز تدي للمريض 400mg يبقى هتسحب 2ml 
  • ولو عاوز تديه 500mg يعني نص الحقنة يبقى هتسحب ...... ايوه زي مانت قولت كده 2.5ml اللي هم نص الحقنة فعلا 
  • ولو عاوز تديه 600mg يبقى هتسحب 3ml من الحقنة،
  •  ولو عاوز تديه 800mg يبقى هتسحب 4ml من الحقنة، 
  • ولو عاوز تديه 1gm معنى كده هتسحب المحلول كله اللي هو 5ml وتديه للمريض،

طب لو عاوز بقى تدي للمريض 750mg هتسحب كام ملي من الحقنة ؟!

- هنحسب الموضوع بكل سهولة، عندنا ال 5ml فيهم 1000mg يبقى كام ملي هيكون فيهم 750mg ؟!

5ml--------1000mg

Xml----------750mg

طرفين ف وسطين 

- هتحسب كده هيطلع معاك X=(5×750)/1000 = 3.75ml يعني هتسحب 3.75ml من الحقنة وهي دي اللي المريض هياخدها.

طب سؤال مهم بقى، ليه اديت للمريض 750mg ؟! 

 لان ال 750mg دي جرعة المريض اللي المفروض احنا عرفنا نحسبها ازاي.

خلي بالك لو حليت الحقنة ب 3ml مايه هتكون الحسبة غير كده، هتكون بقى بناءً ع الأرقام اللي عندك

اخيرا حابب اقولك ان انت اصلا مش بتعمل حاجه لان معظم الدكاترة هي اللي بتحسب الجرعات وبتكون كاتبه كمان الحقنة تتحل بكام سم وهل يتكسر عليها حقن تانيه ولا لا وكام سم وهياخد منها كام سم وكل حاجه بيكون كاتبها.

 بس مينفعش انك تكون صيدلي ومش عارف ازاي تحسب الجرعة لان ده شغلك انت اساسا وع الاقل لما تكون عارف فممكن مثلا تطلع خطأ في الجرعة اللي كاتبها الطبيب لان هو يعني مش معصوم من الخطأ والنسيان وجايز يغلط في الجرعة فانت لو عارف وفاهم يبقى هتاخد بالك وترجع تنبه الطبيب وتصححوا الجرعة للمريض عشان ميتضرش بسببها، 

برجاء متابعه الموقع وقناه التليجرام الخاصه بالموقع لمتابعه باقي حلقات شرح المضاد الحيوي كاملا 

وحلقات الOTC
بقلم فارما الوافي

google-playkhamsatmostaqltradent