تركيبة تفتيح البشرة
وانت واقف كده في الصيدلة بتلاقي الحوار دايما ف سكتك كده وبيقابلك علطول
* السلام عليكم
وعليكم والسلام
اتفضلي يا انسه
*لو سمحت يا دكتور عايزة التركيبة بتاعت تفتيح البشرة دى
(فير اند لفي + سبوتلس + بيتاترم)
موجودة اهي اتفضلي يا انسه بس سؤال هو مين قالك ع التركيبة دى
*والله يا دكتور دى واحدة صحبتي كانت بتاخدها وماشية عليها بقالها فترة وهي قالتلي عليها فقولت اجرب يعني مفهاش حاجة
*بصي حضرتك التركيبة دى غلط ومع الوقت هتجيبلك امراض مزمنه
*ليه يادكتور كده وبتبص بنظرة غريبة كده
انا هفهم حضرتك التركيبة دى فيها كورتيزون اللي هو Betaderm والكورتيزون مع استخدامه لفترة طويلة بيعمل مشاكل ياما
- بيرفع مستوى الجلوكوز في الدم وبيعمل Hyperglycemia ومع الوقت ممكن يجيلك السكر
- بيرفع intraocular pressure وعشان كل ده هو ممنوع لموض الجلوكوما
كمان بيضعف المناعة وبيسبب هشاشة في العظام
- بيعمل water reaction فبالتالي بيكون مياه تحت الجلد وده بيتسمي باسم السمنه الكاذبة ولو كان للوش ف ده بيتسمي وجه القمر
- بيرفع الضغط
- بيسبب قرحة في المعدة (peptic ulcer) وكمان..
* كفاية يا دكتور ايه كل ده وقعت قلبي طب اي فايدة البيتاديرم ...؟
ده عشان يرطب البشرة ويقلل الالتهاب اللي سبوتلس بيعمله
*طب حضرتك ممكن تديني البديل ؟!
ممكن تاخدى (فير اند لفي+ سبوتلس + بانثينول)
واهم من كل ده لازم تتبعي شوية نصايح زى اي بصي هقولك
اهم حاجة وقبل اي حاجة متطلعيش في الشمس كتير وتحافظي علي نضارة بشرتك وتاكلي فواكه وخضار كتير وتشربي ميه ولو عندك حساسية من السبوتلس ممكن تاخدى الليرجكس كريم دهان بعد التركيبة دى
دكتور معلش بس ممكن اخر سؤال فيه تحت عيني مناطق غامقة كده
حضرتك تقصدى
Black_Holos
ايه ؟!!
الهالات السودة يعني
ايوة بالظبط
- كده حضرتك لازم تعملي صورة CBC (صوره دم كامله يعني يدكتره )عشان نستبعد الانيميا
- ويارب بلاش السهر والارقاق
- وان انتي تقعدي فترة طويلة ادام ال TV والفون
والحل ؟
- ممكن حضرتك تعملي كمادات خيار كده لمدة 10 او 15 دقيقة دقيقه كده ويا سلام بقا لو تبقي بارده
- او ممكن كمان صابون زى lit up وغسول صبح وليل
- ويسلام لو اخدتي vitamine E او vit A كبسولة كده بعد الغدا عشان يحافظ علي نضارة البشرة ويمنع التجاعيد ويحمي البشرة من اشعة الشمس ويرطبها
تمام اوى شكرا يا دكتور
♥
COPED FROM حوارات صيدلانيه♥